ELIVU! ELIVU! "UWEE, UWEE"
by O’dama Kayi Oyee Drilemgbo Modest
(Loyola University Chicago, IL - USA)
(September 11, 2006)

Eli vu! eli vu! Odekele ni owu, “Uwee! Uwee!”

Andra, aje, andru, dru, odekele ni owu: “Uwee! Uwee!”
Anikuru! Dra’bo! Eleki “breki” je ku a’du si ya?
Enguki “breki” onzi ya?

Emi abala ‘baa anzi tiza si a’di be ya?

Eleki di abala nde ‘baa edro tro ya?
Eli vu, eli vu, edro ni anzi su badakaru!
Eleki di anzi su ekpeteke edro dri le ya?
Anzinyiri di oga, vini onju akua edro ni onju ‘bile a’a ri le,
edro ni ciru funyo dri le! ‘Eeeeeeeeeeeeeeeeeeeeeeeeeeeee!

Eli vu! Eli vu! Odekele ni owu, “Uwee! Uwee!”

Anikuru! Dra’bo!
Emi ce ‘di ‘ba ada ni!
Etiki anzi vataa si ku a’du ma e’yo si ya?
‘Ba ada ti anzi kuree si a’dule edro dri le ku fo!

Anzi ti ekpeteke ‘dii ni;
Nyaka ca ku ---- amvu ca ku,
Jo ca ku --------- fizi ca ku,
Onitaa muke yo, yo, yo, yo!
Ngutaa ni ka raria ru,
A’a ombaza ni ‘di ozoo ru,
Dri’bi okaza ni ra erakabura ru,
Ndu ni afi diki nyondro si le,
Omvusi ni ra Enyau le,
Mindre ‘wi eli si ku, ku,
Diarrhea, dysentery ati ku,
Si ni eyeru candi si amve.

Anikuru! Dra’bo! Emi oja emi edri fo! Etiki anzi vataa si!
Efeki anzi ma zoki amani rua be okpo, onyi be kali kali,
Onitaa be angiri, asi anju, vini ayiko be fo!

Kirikiri! Anikuru! Dra’bo! Etuki “breki” anzi tiza dri eli azi si endi!
“Onya ka nga aci vu ce ni, eri o’bu ra ya,” Anikuru? Dra’bo?

=================================================================
Contact Odama

• Home • Arts • Development • Education • Jokes • Lugbara • Poems • Reading Room • References • West Nile •